Slider

හරක් කටා හා කුඩු සළිඳු මුදාගැනීමට කළ මෙහෙයුමක් එළියට




 අපරාධ පරීක්ෂණ දෙපාර්තමේන්තුව භාරයේ රඳවාගෙන සිටින 'හරක් කටා' හා 'කුඩු සළිඳු' මුදාගැනීමට සිදුකළ සැලසුම ගැන තවත් තොරතුරු රැසක් හෙළිවී තිබේ.


ඒ, සඳහා සූදානමින් සිටි කමාන්ඩෝ භටයන් හට අදහාගත නොහැකි මුදලක් ලබාදීම සඳහා 'මිදිගම චූටි' නමැති සංවිධානාත්මක අපරාධකරු සූදානමින් සිට ඇතැයි අපරාධ පරීක්ෂණ දෙපාර්තමේන්තුව අනාවරණ කරගෙන තිබේ.



එම මෙහෙයුම මරාගෙන මැරෙන පන්නයේ මෙහෙයුමක් වීම හේතුවෙන් එහිදී යම් අයෙකු මියගිය හොත් ඔවුන්ගේ පවුලේ ඥාතීන් රැකබලාගැනීම සඳහා ද කටයුතු සූදානම් කර තිබූ බව වාර්තා වෙයි.




අදාළ පළායෑම සඳහා පිඹුරුපත් සකසමින් සිටි හිටපු කමාන්ඩෝ භටයන් දෙදෙනාගෙන් අපරාධ පරීක්ෂණ දෙපාර්තමේන්තුව සිදුකළ ප්‍රශ්න කිරීම්වලදී මෙලෙස වැදගත් කරුණු රැසක් හෙළිවී තිබේ.





ඒ අනුව ඔවුන් දෙදෙනා පවසා ඇත්තේ, හරක් කටා හා කුඩු සළිඳු මුදාගැනීම සඳහා 6 දෙනෙකුගෙන් සමන්විත කමන්ඩෝ කණ්ඩායමක් සූදානම් කිරීමට කටයුතු කරමින් සිටි බවය.





මෙම මෙහෙයුම සඳහා පිඹුරුපත් සැකසූ හරක් කටාගේ සමීපතමයෙකු වන මිදිගම චූටි නමැති සංවිධානාත්මක අපරාද කල්ලි සාමාජිකයා තම කණ්ඩායම සඳහා අදහාගත නොහැකි මුදලක් ලබාදෙන බව පැවසූ බවත් සැකකරුවන් දෙදෙනා විමර්ශන නිලධාරීන් හමුවේ පවසා තිබේ.





එමෙන්ම එය මරාගෙන මැරෙන පන්නයේ ප්‍රහාරයක් හෙවත් DO OR DIE පන්නයේ ප්‍රහාරයක් වීම හේතුවෙන් අදාළ ක්‍රියාදාමය අතරතුරදී යම් අයෙක් මියගියහොත් ඔවුන්ගේ පවුලේ ඥාතීන් රැක බලාගැනීමට ද කටයුතු සූදානම් කර තිබූ බව අත්අඩංගුවට පත් හිටපු කමාන්ඩෝ බටයන් දෙදෙනා විමර්ශන නිලධාරීන් හමුවේ පවසා ඇත.





ඒ අනුව තමන් මිදිගම චූටිගෙන් අදාළ ක්‍රියාදාමය සඳහා අවශ්‍ය රසායනික ද්‍රව්‍ය හා අවි ආයුධ ඉල්ලූ අතර, ඒවා විදෙස් රටකින් මෙරටට ආනයනය කිරීම සඳහා සියලු කටයුතු සූදානමින් තිබූ බවද සැකකරුවන් අනාවරණය කර තිබේ.





අවි ආයුධ ලැබීමෙන් පසු හරක් කටා හා කුඩු සළිඳු මුදාගැනීමේ ක්‍රියාදාමයට එක්වන සෙසු කමාන්ඩෝ භටයින් සිව්දෙනා හඳුන්වාදෙන බව මිදිගම චූටි පැවසූවේයැයිද සැකකරුවන් පවසා තිබේ.

0

No comments

Post a Comment

both, mystorymag

DON'T MISS

Nature, Health, Fitness
© all rights reserved
made with by templateszoo