ජාත්යන්තර මූල්ය අරමුදල විසින් මෙරටට දෙන විස්තීර්ණ අරමුදල් පහසුකමේ තෙවැනි වාරිකය ලබන වසරේ (2025) මුල් කාර්තුවේදී ලැබීමට නියමිත බව රජයේ ආරංචි මාර්ග සඳහන් කළේ ය.
තෙවැනි වාරිකය දීමට අදාළව ජනාධිපතිවරණයෙන් පසුව සමාලෝචනය කිරීමට නියමිත බව මුදල් රාජ්ය ඇමැති ෂෙහාන් සේමසිංහ පැවැසීය.
කෙසේ නමුත් තෙවැනි වාරිකය ලැබීමට නියමිත කාලය ප්රකාශ කිරීමට සිදුවන්නේ එම සමාලෝචනයෙන් අනතුරුව බවද ඔහු කීවේය.
අදාළ සමාලෝචනයෙන් අනතුරුව වාරිකය නිදහස් කිරීමට යම් කාලයක් ගතවන බැවින් බොහෝ විට තෙවැනි වාරිකය ලබන වසරේ මුල් කාර්තුවේදී ලැබෙනු ඇතැයිද රාජ්ය ඇමැතිවරයා සඳහන් කළේ ය. මේ අතර කවුරු කෙසේ කීවත් ජාත්යන්තර මූල්ය අරමුදල විසින් මෙරටට දෙන විස්තීර්ණ අරමුදල් පහසුකම්වලට අදාළ යෝජනා වෙනස් කිරීමට නොහැකි බව දැනුම් දී ඇතැයිද හෙතෙම පැවැසීය.
