Slider

මම ස්වාධීනව ජීවත් වන ගැහැණියක් මට පවුල් බර නෑ වගකීම් නෑ බොහොම නිදහසේ ඉන්නවා

 


හෙළ සිනමාවේ රැජින විදිහට අපි හඳුන්වන්නේ මාලනී ෆොන්සේකා මහත්මියයි.සරලවම කියනවනම් මෙරට සිනමා කලාව සුවිශේෂි කඩඉමකට රැගෙන එමින් දශක පහක පමණ කාලයක් පුරා චිත්‍රපටි එකසිය පනහකට අධික සංඛ්‍යාවකට ඇය තමන්ගේ රංගන ප්‍රතිභාව ලබා දුන්නා.

එනිසාම තමයි සිනමාව තුළ ඇයට හිමි තැනට අදටත් කාටවත් ලඟා වෙන්න බැරි.මේ වෙද්දී මාලනී ජීවිතය සැබෑ සමය ඉතාමත් නිදහසේ ගත කරනවා. ඉතින් ඇය ගෙවුණු අතීතය පිළිබඳව කියල තිබ්බේ මේ වගේ කතාවක්

“අපි නොදැන එන්නම මේ වගේ වයසකට ඇවිත් ආපස්සට හැරිලා බලද්දි ජීවිතේ හුඟක් දේවල් පෙනෙන්න ගන්නවා. අපේ අත්දැකීම් එක්ක හුඟක් මතකයන් තියෙනවා. ආපස්සට හැරිලා බලද්දී හිතනවා ඉතින් සමහර දේවල් ජීවිතය දිනලා තියෙනවා වගේම වැරදුනු තැනුත් තියෙනවා කියලා”

ඒ විදිහට අදහස් දක්වන මාලනී ෆොන්සේකා මහත්මිය අදටත් බොහොම නිදහසේ තමන්ගේ සැබෑ සමය ගතකරන කලාකාරිනියක්.ඇයට මහ ලොකු ප්‍රශ්න ඔළුවෙ නෑ. ඉතින් ඇය ගත කරන ඒ ජීවිතේ ගැන ඇය කිව්වේ මේ වගේ කතාවක්.

“පවුලක් කියලා කියන්න බිරිඳ දරුවෝ සැමියා. මේ හුඟක් අය ඒක ඇතුලේ ඉන්නවා. නමුත් මම ස්වාධීනව ජීවත් වෙන ගැහැණියක්.මට ඒ පවුල් බර නෑ වගකීම් නෑ බොහොම නිදහසේ ජීවත්වන කෙනෙක්.මගේ ලෝකය හරිම සරලයි බොහොම පුංචි ඒක සංකීර්ණ නෑ. ඒ නිසා ප්‍රශ්න නැහැ.නමුත් මේක නිදහසම කියලා කියන්න බෑ. ඒත් මම හැරිලා බලද්දි අනෙක් අයගේ ජීවිතත් එක්ක මට වෙන ජීවිතයක් තියෙනවා”

ඒ විදිහට ඇය ජීවත් වෙන නිසාම ඇයට තනිකම කියලා දෙයක් දැනෙන්නෙ නෑ කියලත් සඳහන් කළා.කෙසේ නමුත් තවත් බොහෝ කාලයක් ඉතාමත් සතුටින් නිදුක් නීරෝගීව ජීවත් වෙන්නට ඇයට හැකියාව ලැබේවා කියා අපේ සුභ පැතුම් එක් කරන්නෙමු.



0

No comments

Post a Comment

both, mystorymag

DON'T MISS

Nature, Health, Fitness
© all rights reserved
made with by templateszoo